Springbok
pa het my liefgemaak vir rugby
die bokke teen die all blacks, ek was tien
pa maak my wakker, halfvier, met koffie
en beskuit; dis die eerste haka wat ek sien
winter of somer kan ek nou nie onthou
‘n kombers, onthou ek wel, was pa vir my
elke wedstryd sou pa daar wees, sou
die mercedes, pyp en keps my bybly
ons was saam met danie se comeback
ons was saam in ’95 se wen
dié naweek speel hulle weer, maar ek,
ek kyk alleen. Ek het liefde geken,
só baie dankie pa: in pa se oë
was ek ‘n springbok, dis wat ek glo
© Stephan du Toit, 2024