Internasionaal
Gasa: Krisis in skietstilstand afgeweer met vrylating van nog 3 gyselaars
15 Februarie 2025 Media24
Geniet die oorlog die vrede
sal erger wees, word gemaan
in die skietstilstand waar
Golda Meir reeds vyftig jaar
gelede na die VSA vertrek
onverrigtersake terugkeer
in ‘n onderhandeling oor
grond en regte en geloof
in die Midde-Ooste met
tuimelende sekerhede
onrus en ‘n president
wat van buite indreun
asof oorlog ‘n reis na
die verre Mars of die maan
met ‘n sagte landing
in die nuwe Riviera,
wyl die media kopkrap
of dooies vrygelaat
mag word in Gaza
asof nie bloedgrond
reeds en steeds
vir een en almal nie.
© Joan Hambidge, 2025