Smoke gets in your eyes
Ontdek in ‘n reistas
‘n tandeborsel tandepasta
‘n brief van jou
oorhandig op die lughawe
met ons afskeid.
So was dit toe
daardie brief nou
helaas deur die tyd
verdof dit was geskryf
op varkensblaar.
In daardie nota
geskryf met ‘n swart pen
is daar vanoggend rook
nie trane in my oë
van ‘n sigaret smeulend.
As is verbrande hout
en miskien brand jou hart
nog steeds vir wat was
indertyd in Hong Kong
opgesluit in ‘n vuurwiel.
© Joan Hambidge, 2025
Kyk nou hoe sensureer Marlies. SWAK
Theo, ironies genoeg het ek nog nooit enige poëtiese of positiewe bydraes vir Versindaba van jou ontvang nie, maar nou hou jy jouself grootmeneer hier op my webwerf. Ek is nie in jou diens nie. – Marlies Taljard
Hard. Raak. Netjies.
Wow. Hoe kras en summier. Puik.