Kognitiewe kortpaaie
In die kavalkade
in Dallas Texas
22 November 1963
word JFK getref
ene John Connally
Texas Goewerneur
verwond en Mevrou
Kennedy perderuiter
van formaat probeer
red wat te redde is …
Lee Harvey Oswald
vuur uit die boonste
verdieping en Jack Ruby
skiet op hom die American
Dream aan skerwe.
Idanell Brell Connally
ene Nellie blote passasier
in die limousine tydens
die fussillasie van die VSA
se Goue Seun en Jacqueline
sy vrou Ms Bouvier later
Jackie Onassis van haar
het De Gaulle gesê as
hy iemand kon terugneem
Parys toe sou dit sý wees
sjarmant en vlot in Frans
anders as Joan en Ethel
was Jackie O bewus
hoe Rose die matriarg
tog die toutjies trek …
Maar die ooggetuie
daardie een van wie
ons bittermin weet?
Sou sy later háár weergawe
by funksies of teepartytjies
weer en weer vertel soos waarom
het Jackie met ‘n bloederige rok
langs Lyndon B. verskyn?
En sou waspoeier dáárdie rooi
uit die ikoniese pienk-pakkie
kon haal? En die verlore ring?
Julle moet weet sy is so dankbaar
dat die pilbokshoedjie is in bewaring
so veilig by haar in ‘n kerkhof.
© Joan Hambidge 2025