Springgety
Jakarandas kantel,
hang vrugbaar en swaar,
stol in ‘n suiwer moment,
die perfekte, primordiale boog
van inhou, terughou,
voor die meegee.
Dan, iewers,
by ‘n enkele boom
is daar ‘n ligte vibrasie,
begin ‘n kettingreaksie:
bome bars en bloei
onbeskaamd pers
en oorvloedig, soos konfetti
in Oktober se strate.
Helaas, teen Desember,
fyngemaal en vergete.
© Jacques Boshoff, 2025
https://jennyboon.wordpress.com/category/landscapes/jacarandas/