Adrenalien junkie
Die wesie wil homself bewys
om beter te kan wees
reik vir trofeë of ‘n prys:
moet beter boks, swemgalas wen
beheer deur avontuur se gees
brandweerman wat vlamme tem
in Bagdad-oorlog huursoldaat
adrenalien verslaaf en altyd kwaad
breek hy sy arms, enkels, sleutelbene
in motorfietswedrenne: is die ene
steroïdes: spuit in, weer en weer:
tot dit hom malkop maak
deur harde knoue bont getatoeëer
dink die avonturier dis cool
toe hy selfs huis en haard versaak
om net die adrenalien-kick weer te voel
maar eindig op sy rug se naat
deur sensasie-jagte platgeslaan
kom die besef ten laaste maar te laat:
“In hierdie kompetisie-avontuur
brand ek nou self in helle-vuur.”
© Meyer van Rensburg, 2025