Stephan du Toit. Geboorteland

 

Geboorteland

 

jy is die woning van die damara

die owambo is ook in jou tuis

die duitser, afrikaner en nama –

ook sý noem jou haar huis

 

by geboorte het jy haar gemerk: teer

is water uit die nossob op haar

voorkop gedrup, haar eerste teug was die geur

van vroegoggend kalahari

tortelduiwe se sang het haar gesus

in die koelte van ‘n kameeldoringboom

is sy neergelê – haar bedjie

uitgevoer met tarentaalveerdons

 

‘n droom

van jou sal haar dors net tydelik les

haar kompas is sekuur gestel op suidwes

 

© Stephan du Toit, 2026