Daniel Hugo. Brandoffers

 

Brandoffers

 

I

vroegoggend gaan sit ek in die tuin

trillend loof die voëls die lig

ek steek ’n sigaar aan

– ’n brandoffer vir Apollo –

en suig die son oor die horison

 

II

Boeddhiste brand Oosterse wierook

om getroos tot hulself in te keer

 

ek rook ingevoerde Hollandse tabak

om Calvinisties te mediteer

 

maar wat gebeur? my vuurhoutjie

stig ’n hellevuur wat als verteer

 

III

lewenslank rook ek aan die pyp

met ’n kooltjie wat gloei en kwyn

die as skud ek uit in jou tuin

ek word rook in die hemelruim

 

© Daniel Hugo, 2026