kind
hy kon vertel het van
die verborgenheid
wat in legio vertakkings
móés ontplof
by die geboorte van tyd
van skoonheid
deur geen mens aanskou
ons edelste kuns
maar ‘n proef
van rooi geel en blou
van ‘n lig
wat ons hoogste rede doof
met ‘n grafie
in die vlak sand
speel teoloog en filosoof
maar hy vertel liewer
van ‘n Pa wat
met sagte oë stip op die horison
wag vir die een
wat sy hand nié wou vat
© Stephan du Toit, 2026