Sand-skiagram
jy het jou lyfafdruk vir my
in sagte sand agter laat bly
waar jy sjarmant op jou sarong
bruinbrand lê in son en wind
soos in die song
tanned and young and lovely
soos ’n kind wat met sy vinger
dot-tot-dotjie bly verbind
trek ek nou jou sand-silhoeët
se buitelyne steeds markant
in die fluweelglans van die sand
om jou beeltenis hier te hou
terwyl jy weg is en ek alleen
agterbly maar die winternag se dou
se wind en reën
het omlynings weggewaai/verspoel(sodat ek
sodat jou uit-geëtste cool
figuur nou net ikonies leef
as effigie in gravure
van my brein se laserskyf
deur lang dag-/nag-ure
is jou gesig, jou lyf
reëel nog duidelik daar
tot jy terugkeer
want dan verbind my dotjies weer
daadwerklik aanmekaar . . .. …. …………….
© Meyer van Rensburg, 2026