Naguil
Halfvyf rys ʼn wolk koolstofmonoksied,
ʼn golf rumoer accelerando die reeks
rewolerende motors wat halfses oorslaan
in rallentando as vandag se laaste skemerswerwers
op weg na tussenposetuistes die straat verlaat
voor die nagritme in ontheemde ondertone
uitspeel tot op die spil wanneer die naguil,
gesant van Sisifus in die helder stilte
weemoedig die nuwe dag breek.
© Natasha Harmse, 2026