Bergjuwele
Teen Drakensberg se diepste hang is
stukke krans met mos vermom waarop dit
blink flikker skyn kaats:
Tarentula-oё langs ’n varingblaar tussen
struike met druppels in die mis,
kewerspoortjies in modderslootjies
in die oggendson peule, halms en kristal in rots;
die reuk is sag, die mos fluweel en as jy
die dekseltjies onder jou wenkbroue lig, sal jy
die poppie met haar skitterskoene
aan dié hangende juweelkis sien ballet.
© Koos de Wet, 2026