Foto 27: Deurslot Louwhuis
https://photos.app.goo.gl/yMJaFhYqpg1ETy678
In my baksteenhuis
In gesprek met “Die strandjutwolf” van NP v Wyk Louw
ek sien al lankal
die dood sit op my skoot —
eers tingerig en klein
soos ’n kleuter
maar nou swel
hy tot Cerberus:
driekoppig —
met kloue
en gekromde naels
krap hy aan my bors
asof ek die poort is
waar hy wil inbreek
hy krul sy slanglyf
om my ribbes
maar my hart klop steeds —
sterker
as die snuffel
en grom
van drie kele saam.
© Marthé McLoud, 2026