Foto 5: Skemeraand met volmaan
https://photos.app.goo.gl/yMJaFhYqpg1ETy678
Karoodorp: Winteraand
die namiddag stol roosgoud
en iewers blaf ‘n hond
en bome langs die blougruis pad
soldate wat waghou
en die maan hang rond
en die kragdrade stywe snare
en iemand loop alleen
die rooikoper skemer in
doer op die koppies
lê die laaste stukkie son
vir oulaas loom en lou
gloeiende kole in ‘n hert
hier-en-daar sit mense
nog op die stoep
dan deur die dun lug
hoor ons hoe die uile roep
© Elmarie Stofberg, 2026