Gebrekkige Akademikus
julle staan in volle artistieke uitrustings
geklee en gesool
professionele draadlopers
met fyn balanseerstok
om aan die hoogste spits
op die dun gespande draad
oor die afgrond
te tree
maar ek
gebrekkig
klim kaalvoet klou-klou
teen kranse uit
nog siek in die wind wat woes waai
in wye wintersrok
met ‘n besemstok
waarvan die swaar kop
telkens swaai
maak
van
my
‘n meester
kompenseerder
©️ Margaret Cordier-Biermann