Posts Tagged ‘Pieter Fourie gedig’

Daniel Hugo. Knapsekêrel

Monday, September 13th, 2021

 

Knapsekêrel

vir Pieter Fourie

 

in die telegraafkantoor

het jy as klerk veral dit

geleer: om woorde te tel

en hul waarde te weeg

 

want dit kos ’n prys

om bondig te berig oor

die lewe: sy vreugdes

en die durende ellende

 

jy het toe reeds geweet

waar om die woord stop

te plaas: dat jy elke sin

tot stilte moet dwing

 

Uit: Openbare domein, Naledi, 2018