Daniel Hugo. Knapsekêrel

 

Knapsekêrel

vir Pieter Fourie

 

in die telegraafkantoor

het jy as klerk veral dit

geleer: om woorde te tel

en hul waarde te weeg

 

want dit kos ’n prys

om bondig te berig oor

die lewe: sy vreugdes

en die durende ellende

 

jy het toe reeds geweet

waar om die woord stop

te plaas: dat jy elke sin

tot stilte moet dwing

 

Uit: Openbare domein, Naledi, 2018

 

Bookmark and Share

Een Kommentaar op “Daniel Hugo. Knapsekêrel”

  1. JOHAN COETZEE :

    knap

Los kommentaar

 

*