Suid-Afrika – ‘n rap-sodie op die boud
Suid-Afrika, Mzansi, mamma, baby,
Delilah, fokkit, definitely maybe
jy’t ‘n goue lepel in my wit wiegie gelê
‘n mal siembamba in my are gesê
‘n oranje blanko blou tjek geskryf
waarmee ek nou my gat blink vryf
Suid-Afrika, District 9, home invader,
vaderland, fokop, kolonie, Darth Vader
dankie baie vir my bek vol tande
dankie vir niks en jou Krugerrande
ek wil nog altyd offer wat jy vra
maar wat dit is, weet nugter, bra
Talk about taking the post-colonial wrap
washing it down with new pc clap trap
ek weet selfbejammering is baie slegte maniere
en gedigte maar praatjies om bang braaivleisvure
maar ek vat my cue van daai baardbek-Beat
Ginsberg en sy white negro sounds of the street
Ja, Ginsberg en sy righteous bongo’s en bongs
Ginsberg met sy sad-ass woe is me songs
“America I’ve given you all
and now I’m nothing”
Puhlease! The bums have lost Mr Ginsberg, Mr Lebowski
en Eminem het jou ghetto’s klaar leegge-Bukowski
Black South Africa
I wish I could be one of your kids
Black South Africa
Thabo looks nothing like this
White South Africa
it’s all over Facebook and on TV
White South Africa
it was never meant to BEE
ja, wit Suid-Afrika
jy’s ‘n wesie van die wind
wit Suid-Afrika
dooie perd van Klaas Geswind
Suid-Afrika, hei, ek praat met jou
en dis baie soos bid en amper soos rou
moet net nie vir my kyk nie
as ek met jou praat nie
ek kan jou groot, leë oë nie
op my middelklas-wrewel verdra nie
Suid-Afrika, ek wens ek kon glo
in die groot makoeloe daarbo
in jou rainbow, jou renaissance
of jou voortrekkerwaens
Oh, where do you go to my lovely
when you’re alone in your shack?
I don’t know the thoughts that surround you
’cause I can’t look inside your head,
no I can’t, no I can’t
Suid-Afrika, yes master, ja baas, jy het my
ek weet ek’s net so siek soos jy –
‘n sucker vir majeur-akkoorde
‘n gifsmous van leë woorde
Suid-Afrika, versuip my in jou oersop
slaan my weer assamblief met jou snotsambok
bedek my met jou berge nog so blou
tart my met jou strande, laat my altyd onthou
van Slagtersnek, Boipatong en Ouma se kos
laat jou honger tsotsi’s almal op my los
want jy is die waarheid, my dwaalweg en my lewe
die stom god voor wie se aangesig ek steeds bewe
© Danie Marais. Voorgelees by die US Kollokwium op 17 Oktober 2010.
Andries: LOL (wat’s dit in Afrikaans? LUL? Whoops.)
Danie: Kolskoot. Dit laat my uitsien na die volgende bundel. En doen vir ons ‘n live weergawe om ‘n braaivleisvuur in Desember.
Die ergste van alles is dat ek die rymery verskriklik geniet het. Maar ja, ek sing net as Karlien nie teenwoordig is nie. Sy sê my cringe-kleppie werk nie behoorlik nie.
Mense wat nie die aand van die kollokwium teenwoordig was nie sal dit ongelukkig nie weet nie, maar Danie Marais het die aanhaling uit die Peter Sarstedt song GESING… Hy is natuurlik ‘n nootvaste, welluidende bariton, ugge-um.
Nou weet ons die land is in GROOT moeilikheid. Danie Marais RYM! 🙂
Sjoe!! Dit wil gesê word. Vintage Danie Marais