Andries Bezuidenhout. Klop klop, wie’s daar?

(aan my daaglikse dosis amlodipienmaleaat)

hierdie hart ʼn vlermuis
wat aan ribbebene hang
sleutelbene vlerke
wat vlak onder die vel span
snags wriemel die gedierte, koponderstebo
slaan aan my borswand
krap aan my maag
hamer die bloedlus
wat so aanhou knaag

© Andries Bezuidenhout. Junie 2011

Tags:

Wednesday, June 8th, 2011 | Gedigte.

Both comments and pings are currently closed.
Bookmark and Share

5 Kommentare op “Andries Bezuidenhout. Klop klop, wie’s daar?”

  1. Desmond :
    June 10th, 2011 at 10:17 am

    Ek hou van die vlermuis-beeld, Andries. Ek moet dalk vir my ook sulke pille kry.

  2. Andries Bezuidenhout :
    June 10th, 2011 at 10:23 am

    Desmond, drink meer koffie, eet meer sout en hou op oefen. Vinnig, vinnig is die voorskrif teen jou grot se deur.

  3. Desmond :
    June 10th, 2011 at 10:36 am

    Maar jy boer dan in die gym!!

  4. Andries Bezuidenhout :
    June 10th, 2011 at 12:03 pm

    Moi?

  5. Desmond Painter :
    June 10th, 2011 at 2:49 pm

    Gaan jou nou voorgee jy kry daai vietse lyfie van dieseltrok ry?!

  •  

    		•