Meiringspoort – vir C.J. Langenhoven
hasejag
rietbos grys winterpopulier
blaarloos blomnek en varkenskraal
seepwater
geel rots
skelmkloofdrif
watter boer het hier
so skuwerig rondgeloer?
aalwyndrif
dubbele drif
steweldrif
plant jou voete
stewig in dié aarde
sanddrif
o goddelike hemelklip
na al die eb en vloed
‘n sprinkel hoop liefde geloof
dan spoed die lewe op galop weer voort
witperdedrif
ou tol
wadrif
hoe beur ons teen die steiltes uit
witfonteindrif
uitspan!
watervaldrif
ontploffingsdrif
‘n herrie rammel- en roffelgeluid
voor rooi-uitspanningsdrif
klein respyt van die groot gedruis
klip van die dinamietslag
tot by die vrugteboord
waar ‘n man sy vrou sag soen
pereboomdrif
bloupunt
opmetingsdrif
my laaste drif
daar kom ‘n end
aan waar die water loop
of lankal droog staan teen die rif
© Christine Barkhuizen le Roux / 2014
Hoekom dink ek hierdie drif kom uit die liefde?