Meditasie, illusies
na Boerneef,
vir Reinet Nagtegaal
Skielik het die wind loop lê, kind.
Die Sedoos waai pyn se patina weg.
Eers was dit dhutanga, purifikasie
deur veranderinge, voordurend: anitya.
Skielik het die wind loop lê, kind.
Die Sedoos waai pyn se patina weg.
Leer erbarming of karuna aan
in vele koans of dialoë met die self.
Skielik het die wind loop lê, kind.
Die Sedoos waai pyn se patina weg.
Gee my oor aan dhyanas of ‘n trans.
Weg met begeertes of trishna.
Skielik het die wind loop lê, kind.
Die Sedoos waai pyn se patina weg.
Soek na leegheid of sunyata,
wag op wysheid of prajna.
Skielik het die wind loop lê, kind.
(c) Joan Hambidge / Desember 2014
KHoe treffend!! (Veral!) Reels 7-8: ‘Leer erbarming/karuna aan’self-dialoog’ MEER as digkuns; LEWENSkuns! Knap gedaan Joan.