Bloedmaan
By die dood van Tom Gouws
Miskien het die digter sy potloodsak
reeds oopgerits, op dié eenmalige sfeer
gewag om tot Teken te verwoord –
sterflinge, soos ons almal,
sal vir jare nog hierdie skouspel
in stories oorvertel –
Miskien sou hy juis daardie aand
vredig wou boeke vat
om aan dié godswonder, soos die gras
van die veld, nederig dank te bring
toe die duisternis hom (voortydig) oorval.
© Eunice Basson, 2018.
Hou van Eunice se “oopskryf” Het ‘n soortgelyke gedig in 1970 oor N P Van Wyk Louw geskryf.