N.P. van Wyk Louw 50. Cas Vos

 

 

 

Inferno

ons het uitgekom om die sterre weer te sien glinster – Dante, Inferno, Canto XXX1V, 139.
Met van Wyk Louw se “Inferno” as aanhitsing.

 

’n Gerug doen die rondte:

al die sterre konkel en wil op vlug

slaan uit die kosmiese ligtrans –

die wêreld is nie meer ons woning nie.

 

Hulle wil in kringe kronkel

uitgestrek na die ewige nag

waar Inferno se poortwagter waak

oor die godverlate plek van skande;

 

die nag se koordans sal faal

en die reuse ondier wat oor berge skuur

sal met sy snypunt sterre ontluister

en hulle slykbesmet na Inferno sleep

 

waar hulle na lig sal tas voor hulle

in die donker put tot Inferno

se behae tot niet gaan   van al

die sterbeskitterde nagte ontslae.

 

© Cas Vos

 

Bookmark and Share

Een Kommentaar op “N.P. van Wyk Louw 50. Cas Vos”

  1. Hennie Smith :

    Cas Vos: Dankie, jy lei my na diepgange in Van Wyk Louw se oeuvre wat ek nog nie betree het nie!
    Jy laat die ondier selfs die sterre verorber!
    Waar berg ek my? Is daar hoop by Dante?

  •