Daniel Hugo. Twintig-twintig

 

Twintig-twintig

 

agter dun maskers en luike

hou mense hul koes

in die strate dwaal die virus

met ’n droë hoes

 

binne draal onvoorsien ’n reuk:

koors en diarree

die noodlot – blind, kort van asem –

het ons buurt betree

 

sy voetstappe eggo dag ná dag

in die statistiek

ons tel die geliefde lyke:

som van ons paniek

 

© Daniel Hugo, 2020

 

 

Bookmark and Share

Een Kommentaar op “Daniel Hugo. Twintig-twintig”

  1. charl-pierre naude :

    Hou van. “Hou hul koes” 🙂

Los kommentaar

 

*

  •