Ruie tuin
Olga Kirsch
vir Jdl en Bernard Odendaal
In 1983 toe jy ophou
dig in jou hartstaal
daar waar jy die ruie tuin
van verlies alleen
besoek in herinnering
aan jou jeug in Koppies
verloor jy in een winter
glo vier jasse in Israel
na jou aliyah en dié landskap
bly ‘n daar word nooit ‘n hier
Iewriet en Engels vervreem verder
nou keer jy terug spreek jy weer
bekendes aan in gedigte van ander
wat jou terugbring en bevry
uit jou dorre taalballingskap
ook ek besing jou hunkerende
ylende melodieë en gaan jou opnuut
tegemoet in hierdie vers ylings.
© Joan Hambidge, 2021