Joan Hambidge. Plavei van ellende

 

Plavei van ellende

– Elisabeth Eybers

 

As kind reeds die krake

in die rivier se droë loop gesien

barste in die swart teer.

 

In Istanboel die inlegkunde

van mosaïek bekyk, so

mooi van ver dié  blou skerwe.

 

Ver geloop om Ātmakāraka

te begryp, in ‘n lewe tweevoudig:

skryf om leef te begryp.

 

In ‘n palanquin in Indië

of ‘n cyclo in Viëtnam

na die self teruggesirkel.

 

Hoe vérder in die tyd

van aflegging of ontnugtering

hoe groter die kreeftegang:

 

die uitlegkunde van die self.

 

© Joan Hambidge, 2021

 

 

 

Bookmark and Share

Los kommentaar

 

*