Joan Hambidge. Metaforiese transaksie

 

Metaforiese transaksie 

 

Met soveel onrus tussen ons,

lê ek verbande sinneloos:

Jy Agamemnon, ek Klutaimnestra?

 

‘n Oorlog word emosionele geweld

(silence is golden) (stilswye is goud)

rooi papawers

 

flits op papier:

‘n andersoortige toneel

(soos) ek kelk die sonlig uit jou dooie keel.

 

Die gedig raak bewapen

in ‘n armed vision

ter nagedagtenis in memoriam sous rature

 

nooit weer sal ek

my vreemde liefde blootlê

eerder in die vagevuur

 

nadink oor gemis

beweeg van vlak tot vlak

in Dante se Goddelike komedie.

 

© Joan Hambidge, 2021

 

 

 

Bookmark and Share

Een Kommentaar op “Joan Hambidge. Metaforiese transaksie”

  1. Jacobus Swart :

    Nie n wond nie maar n geboortevlek.
    Met hierdie vers gee die digter die onsterflikheid
    self aan die verlore beminde:
    “die sonlig gekelk uit haar dooie keel”