Joan Hambidge. Oggendmeditasie 6

 

Oggendmeditasie 6

 

Paul Kruger eers gebalsem

toe in staatsie lê langs

Gezina in die heldeakker.

 

Perde in die ABO se geproes

verklap verkenners glo;

ry eerder fiets as equus.

 

Pegasus nou my perd, my saal,

my toom, my rym-ding so

in ‘n tyd vér van daardie museum:

 

Tom Claridge en Charles Clark,

se ontwerp op 59 Nkomo-straat

paar blokke weg van Kerkplein

 

waar Oom Paul staan waar

hy staan nes Barney Barnato

se leeus op daardie veranda

 

langs die knipmes sonder duim:

vér van die keil in die Rijksmuseum

tot die lyk sonder kram se lange terugreis.

 

 © Joan Hambidge, 2022

 

Bookmark and Share

Los kommentaar

 

*