Alwyn Roux. Oggendlied

 

 

 

Oggendlied

Na Louise Glück 

 

Van pyn is altyd iets te maak.

Ma verswyg die feit,

maar Sondae klink die orrelspel

in elke register uit – Bach Händel Mendelssohn,

terwyl sy haar sorge aan Hom toevertrou.

Met ʼn oop gemoed

in dié gewyde uur

haar kennis en beperkings aan Sy voete lê.

Geen wonder ek is aangewese op stilte nie

in wêrelde verdiep

asof luisterend na ʼn afgeslote lied.

 

Alwyn Roux

 

Hierdie gedig – ’n inskrywing vir die jaarlikse AVBOB Poësiekompetisie – is in die AVBOB Poësiebiblioteek gepubliseer, en word herpubliseer met toestemming van die AVBOB Poësieprojek. Klik hier om toegang tot meer as 17 000 gedigte in al 11 amptelike Suid-Afrikaanse tale te kry: https://www.avbobpoetry.co.za/Poem/ViewAll

 

Bookmark and Share

Los kommentaar

 

*