terug
In die ondermaanse verlatenheid
doem die plan op pendeltuie
neem medereisigers na mars
die wêreld is ons woonplek nie
net die nimmereindigende melkweë wat wag
is die nuwe horisonlose horison
ons is van vergetelheid vry!
die swaartekrag die verbrysel die droom
die liggaam die loom
ont-water en ont-been stort ons ineen.
terug na die aarde
terug tussen bome en distels
sit ons stoksiel alleen
in ons tingerige tent
sober en alleen
© Hennie Maartens, 2023