Verweerde padpredikant
stotterend word ’n gebroke alfabet
klip-vir-klip uitgepak
newens dwalende gedagtes
langs gisterding-gebeure
tussen Betlehem en Kroonstad
langs die verweerde padpredikant
word hortend op knieë gesak
om kaalhand die vulkane
daar diep binne te waag blus
smagtend na weivelde
waar onvrede kan rus
versluierd blom die silhoeët
van ’n kruis nog daar
wat sku agter Mopanietak en blaar
’n stille berusting bring
haar voete opnuut
na die reddingspad dwing
© Anzé Bezuidenhout, 2024
Lieflik Anzé, ek het nie woorde nie. Baie geluk met hierdie prag gedig!
Soveel bagasie wat ons saamdra. Spovers!