Wanneer het ons dan ontmoet
was dit eeue gelede in ’n sigeunertent in Hongarye
of die keer toe ons skommelend oor die see
in ‘n karveel vertrek het uit Turkye
of was dit tóg in die tyd
met die konsentrasiekampgrafte in rye
ek weet jy’s iemand wat sing en vlieg
en vlieg en sing en altyd vry is
laai asseblief nooit weer daai dowwe haelgeweer
en laat ek jou weer eenmaal
groet
© Annora Eksteen, 2024