Pelgrimslied vir vandag
Waar sal my hulp vandaan kom
Is dit daardie blou berge daar ver?
nee, ek verwag dit van nog verder
dit sal van die Here af kom
nog baie verder as die berge
onder die blou lug
wat Hy ook gemaak het
Hy maak my paaie gelyk
vul die slaggate op
en waar ek uitkom
kan ek lekkaslaap
Hy bly wakker en hou oor my wag
Hy keer die son weg van my kop
die donkermaan maak niks aan my nie
ek word beskerm
en ek is dankbaar
dat ek versekering het
op my reise is ek sonder vrees –
daar is Iemand se Hand oor my,
© Anton Döckel, 2024