torings
kanse is goed dat ‘n kind
met blokkies ‘n toring wil bou
die kleure van die reënboog
op mekaar sal stapel
totdat dit omval
net om dan die stukkies bymekaar
te vee en van voor af te begin
die keer dalk met ander blokkies
so goed soos jy wat in iets wil glo
en dan vir jou ‘n tempel bou
skietgebede en gewoontes
op mekaar sal stapel
totdat jy omval
net om dan die stukkies bymekaar
te vee en van voor af te begin
die keer met ander blokkies
© johan Swanepoel, 2024
Briljant