Red terror in Berlin
Daily Express, 15 January 1919
in die begin
van vyf tot vyftien
haar kop los van haar lyf gedink
Bybelstories in die sondagskool
voor slaaptyd
Bybel oor en oor
Johannes een:
in die begin was daar die Woord
en die Woord het vlees geword
hare
sy wou nie woorde dink nie
woorde sou net weer vlees word
hare
solank sy dan nie woorde dink nie sal sy heel bly
het sy gedink
die Lig. Lig. lig. Is toe maar net ʼn gloeilamp met draadjies binne in die lampie. Hoe kom dit
daar? Hoe werk dit? Lig.
Die Lig van die lewe. Hy is weg. Daardie Lig.
Weg. net weg
tafel. pote. mat. hande.
Hande
Hande maak woorde maak vlees wat deurmekaar maak.
deurmekaar woorde. Sy moenie woorde dink nie. Dis veiliger. Dan is dit nie haar vlees en
deurmekaar nie.
en sy huil waar is God?
In die begin was daar die Woord en die Woord was God en die vlees is gemaak
die vlees is gemaak vir hande
nee
die vlees is gemaak van hande
nee nee nee nee
En die belofte: Hy behoed en bewaar jou van alle onheil?
so help my God.
Waar is God?
Hy is in “Eer jou vader…”
Nè, sê sy
tot in lengte van dae
woorde
© Rina Bester, 2025