Ouermoord
Dis so dikwels die jongste seun
die een met die dwelmprobleem
die swartskaap wat agtergelaat is
en die uitblinkers
stilweg haat.
Familie en vriende stem saam
sy ou skool beaam:
hy was ‘n skaam eenkant kind.
Wie sou kon weet wanneer
het ‘n skim in hom geklim
wat blind en bloedig voort sou woed
en op ‘n dag so soet
dat g’n mens iets sou kon vermoed
ruitbrekend deur sy oё sou reik
en na die wapen gryp
© Vincent Oliphant, 2025