Heimwee
Ná Ingrid Jonker
Hier in Johies
dink ek my dikwels
in Die Strand terug.
Nie die baster-Seepunt
van die hede nie,
wel die plat dorp
van die jare Vyftig waar jy
op Ouma Strand se voorstoep
die see hoor, ruik,
as jy liplek, proe.
Ek is die son op die skittersee.
Ek is ‘n brander wat op die strand neerslaan.
Ek is die agtergelate swart bamboes
op die wolkwit strand.
© Corlia Fourie, 2025