Antwoord
I have spread my dreams under your feet;
Tread softly because you tread on my dreams
W.B Yeats
Ek het my storie gepos,
wag dat jy ‘mooi!’ sal sê
soos ’n kind wat sy skets uitlê
Dit is die son
hy is geel en baie warm.
dit is die berge;
hulle is blou en baie hoog.
hier is ek,
ek is nog klein –
Daar is jy,
agter die berg;
jy kan my nie sien nie,
maar ek het vir jou ’n storie geskryf
Antwoord ontvang
hier staan dit:
‘Jammer’
pik op wit
die donkerste kleur
© Anton Döckel, 2025