Voorbeeldig
op universiteit het ek Breyten gelees en geglo
as jy ’n baard kweek en ’n krom pyp rook
is dit gewaarborg dat jy ’n troebadoer sal word
soos ’n Stellebosse tortel wat deurnag koer
maar spoedig het ek besef dat Opperman
se verse glashelder in my gemoed bly rinkel –
daar en dan het ek begin skink en ’n halfeeu later
probeer ek steeds ’n karveel in leë bottels bou
© Daniel Hugo, 2026
Treffend. En: Gesondheid in die rondheid!