Wat goed is, en mooi
Renee Good het gedigte geskryf
Sy het gesing.
Sy was die ma van drie kinders,
’n sagte, vriendelike, mens
wat mooi dinge gedoen het –
totdat drie ysingswekkende skote in Minneapolis
haar dood oor die stad laat eggo het.
Alex Pretti was ’n goeie man met ’n glimlag
wat die siekstes van die siekes verpleeg het.
Uit besorgdheid het hy teen die waansin geprotesteer.
Hy wou ’n vrou wat aangeval is, beskerm
toe die manne met maskers hom met pepersproei toetakel,
hom omstamp en op die straat vaspen,
hom slaan en slaan en slaan
en net daar doodskiet.
Pretti en Good,
Dis meer as as twee moorde wat oor Minnesota weerklink.
Dis ’n golf van verwoesting wat oor Amerika trek.
In die Koninkryk van Trump sneuwel daar soveel
wat goed is, en mooi.
© Neels Jackson, 2026