Vandag
het ek en my dogter onder ‘n boom gesit
die gras het van ver af ge-rsvp
flatbread en hummus met chickpeas
het ons gedeel
die digte skadu ons kapsule
teen die straal
lomerig hang die trosse groen
teen die blou…
in dié vlugtige ewige oomblik
was trump
die uitverkiesing
geweld
vrees vir oudword
suid-afrika se toekoms
en nog vele maters
nie op my radar
© Stephan du Toit, 2026