MONT VENTOUX BAIKU’S (2)
Die digter Petrarca
was ‘n voorloper – sou ek
‘n nafietsryer wees
…
Kyk daar – daardie
ou man sit net so krom op
sy renfiets soos ek
…
My droewig lot –
stadiger as stadig
die heuwels op
…
’n Pynlike vers – hy
was hardlopend vinniger bo
as ek op my fiets
…..
Lekker oud worde –
die kuns om alle kwale
uit jou kop te fiets
…
Jou aneurisme gaan
regtig nie bars nie – sê
my (fietsgek) dokter
…
Op ‘n smal pad
ry ek agter ‘n miswa –
ek ruik die lente
…
Fietsry in die herfs
van my lewe – solank dit maar
lente is in my kop
…
Weer van die fiets af –
my blaas het baie struike
en elke boom lief
…
Byna sestien myll
teen amper vyf persent – waar
‘n ou man van droom
…
(wordt vervolgd)
© Miel Vanstreels, 2026
Miel Vanstreels, gebore in 1951 in Godsheide (België), woon in Maastricht (Nederland). Hy het nie gedink dat hy op sy vyf-en-sewentigste nóg eens na die Provence sou gaan om die Mont Ventoux – op eie krag – uit te ry nie. Wat doen ’n ou digter op ’n renfiets wanneer die Ventoux roep? Hy lê die voorbereiding en die klim vas in bike-haiku’s!