Vryval
Pieter Hugo
Pieter Hugo se tweede digbundel, Vryval, speel met die veelheid van betekenisse opgesluit in die titel. Die vreugde en pyn van die lewe, die onafwendbaarheid van die finale val. Die lewe as ‘n poging tot balans tussen vry wees en val. Die onderliggende speelsheid, met woorde en die lewe, some soet, soms wrang, vind neerslag in die meeste gedigte.
Sy debuutbundel, Alchemie van my muse, het in 2019 by Naledi verskyn en het verskeie positiewe resensies ontvang. Soos in sy debuutbundel, werk hy met formele digvorme, vrye verse en visuele gedigte. Van die gedigte in hierdie bundel het reeds in verskeie bloemlesings verskyn.
Oor die digter
Pieter Hugo woon in Somerset-Wes en het onlangs afgetree na ‘n lang loopbaan in die Wes-Kaapse Provinsiale Biblioteekdiens. Voor sy jare tussen boeke in Beaufort-Wes en Kaapstad, was hy onderwyser in Malawi en gemeenskapsontwikkelaar in die Breeriviervallei. Hy het as een van ag kinders in ‘n pastorie in Windhoek grootgeword.
[Naledi, 2026. SAGTEBAND. FORMAAT: 210 X 148 mm. PRYS: R275.00. 110 BLADSYE. ISBN 9781997476221]
Geluk met hierdie bundel – ek lees dit tans. Die verskillende tegnieke en die toonaard wat wrang-ironies of speels is, moet uitgewys word.