tanuki
die blitstrein van Tokio
snel Osaka binne uit ‘n hoogte
die strate en stege
flits in rolprentrame by jou verby
in die stad van kibbelend bie
moet jy jou duur wyn goedkoop smee
of jou liefs gelate aan die kos oorgee
in die Kuromon-mark die wasbeerhond
uit ‘n donker hoek van onder goed
vra sy jou ‘mooi’ in Afrikaans nogal:
as jy die tou om my pootjies sny
sal ek jou ‘n invoerder gee
wat sy markte bied sonder verleë
bied die dier met die huidbril:
ek rakkoen van oer-Nippon
kan van gedaante verwissel
my lyf vorm in ‘n bottel-fatsoen
‘n Melchior vol wyn
van Clos Rougeard uit Loire
as lok-geskenk vir jou koper
skud ons hande en buig vir mekaar
ná sy eerste bestelling
eet en drink met die 18 liter
vol cabernet franc as trofee
op pad land uit by Narita
slaan ek water af in die mans
groet die japsnoet van onder die deur
nou weer haar self ‘n wollerige dier:
hamba kahle meneer
© Krige Visser, 2026