Krige Visser. Aantrekkende naak

 

VWL Huldiging

 

Aantrekkende naak

 

ná jy reeds van kledingstukke gestroop

was laasnag. jy die voue van jou lyf

soos grepe van gul letters aan my mond sou skenk

in woorde van poësie met diftonge gestapel

 

tenktop plat haastig gelos op die vloer

vul jy dit met klein piekepunte gebult styf

die langspier voor jou oksel in stilspraak gespan

sal ek tot jy volledig geklee is vir jou loer

 

veral as jy halfkaal momentaal opsteek

‘n sigaret uit die twintigpakkie skud jy dit sierlik

jou wange maak boude na binnemond gevul

uit kom die rook soos jou naweltjie gering

 

wriemel jy stuk vir stuk terug in jou jeans

verdwyn jou lyf gaandeweg voor my einste oë

laat jy die diepste deel van jou maag kaal

swaai jy jou frommelgevuis pantie voor my neus

 

kyk ek toe hoe jy huid verwissel met katoen

dekking bied aan die vlees gekneus deur my soen

 

© Krige Visser, 2026