Die donker kom van buite
In ‘n cantus firmus verset
téén vloggers en bloggers
soekend na ‘n woord perfek
(op my erewoord, sou ons sê
in ons jeug), ‘n gelykenis óm
die gedagte van swart op ‘n skip
(MV Hondius) ‘n hantavirus ontdek
Oceanwide Expeditions, meen ek
praat die impak metafories dood digby
die Kaap Verdiese eilande verby
op pad na die daardie ander een
singend fluitend met President
Clavijo skellend oor sy dooie
stem hiér pleonasties aanland.
© Joan Hambidge, 2026