noodgeval
die
vliegtuigie
sirkel ál hoër
‘n laaste
dreun, dan
stol hy bo
stellenbosch
se vliegveld
reageer
op die bevel ‘go!’
was die jumpmaster
se instruksie by die aapkas
nou
hurk jy,
hier, in
die tuig
springer
teen springer,
opgeknop in ‘n ry
voor die oop deur
jou geheue
skandeer
vir laas die reëls …
tel eenduisend en een, eenduisend en twee, en -drie en -vier en -vyf
kyk
op,
check
valskerm
nie oop?
voor jou bors is
mos die noodskerm
die
master
se lippe praat
maar sy woorde
ontsnap in die ruis van die wind
(jirre, hoe
spring jy as
vrees jou oorval?)
die master
skud jou
skouers
lóók at me!
do nót jump …
do nót júmp!
hold the
emergency
tight, to your chest
die
valskerm op
die rug van
die leerling
knap voor jou
het die knip van
jou noodskerm los geskuif
do you hear me?
do you héár me!
spring jy,
skree die master,
gaan jou skerm oopborrel
oor die vliegtuig vou
die loods se sig belemmer
maar jy weet
die vrees
jóú vrees
het hy in
jou oë gevoel
© Jeanne Henning Els, 2026