Winter
N.P. van Wyk Louw
Nou staan ons gebou nagtelang en week
in die donker, wrede ongenade van die reën,
skemer plakkershuise en takke daeliks bleek
deur die wit mistigheid en vloedskade heen.
Tog word alles weer ryk en rustig van die swaar
geheime wasdom wat ondergronds paaie vind
deur warm aarde na elke boom en blaar,
en ver en naby alles ten slotte duister bind.
Tot sover my palinode op “Vier gebede by Jaargetye
in die Boland” Mei-Julie 1937; nou in ander tye
wonder ons oor oorstromings jaarliks én onreg,
korrupsie, agteruitgang en oor ‘n nuwe weg?
Inderdaad ‘n wye en droewe land vol gevaar
met duisternisse wat onderlangs bly staar.
17 Junie 2026
© Joan Hambidge, 2026