Foto 18 – Naghemel Rogge Cloof
https://photos.app.goo.gl/yMJaFhYqpg1ETy678
Orycteropus afer
Ek raak onbesuis bewus
dat daar ʼn gevroetel in die heelal is;
ek fokus flink my teleskoop
en sien ʼn erdvark waggel-loop.
Sy stert se sleep is baftablou,
terwyl hy gitswart gate grou –
hy dolwe oral newels om,
maar toe staan ek terstond verstom,
want soos hy deur die donker swerf
tot daar waar veraf sterre sterf
wroet hy woes sy snoet na bo
en ontbloot wat ek nog altyd glo:
dit het toe inderdaad gebeur –
die Melkweg hét in twee geskeur.
© Jan Pretorius, 2026
Hierdie sluit mooi aan by jou Padaanwysings Jannie. Dit bring iets meer en groter terug na ons elke dag se gesloeg en gesweet.