Ander name die sluimer nog
VWL, ‘n kort nota
laeta fere laetus cecini, cano tristia tristis
Ex Ponto III:IX:35
Uit die gevormde literatuur is daar
steeds iets oneindigs te verhaal:
‘n voël in die oggend vroeg, vertaal
onrus in die skynwerpers van taal.
Was ek gewoon middeleeus, puur
intellek, teenstand kon verduur.
Náwater, opdrifsels of moraine,
robbe hooghartig kon wegstuur.
U het geskryf oor ystydperke, Persepolis
én Rome; soos daardie eensame Ovidius,
óópgebreek in vele duister verse onbeslis:
nou in die nuutste grot van mý self-twis.
© Joan Hambidge, 2026
Uitstekende vers.